Saleh Subhi: ‘Vëllezërit Muslimanë’ do ta ndalojnë alkoolin

“Po, do ta ndalojmë alkoolin”, është shprehur gjatë një takimi në New Valley, rajon në perëndim të Kajros, Saleh Subhi, njëri nga figurat kryesore të “Vëllezërve Muslimanë”.

“Turizmi nuk nënkupton lakuriqësinë dhe dehjen. Ne, pra egjiptianët, jemi një popull fetar, dhe këto gjëra nuk na nevojiten.”

Saleh ka shtuar, gjithashtu, se “Vëllezërit Muslimanë” do të zbatojnë ligjin e Sheriatit islam. “Kjo ka qenë e planifikuar që nga viti 1928. Islami është zgjidhja”, ka deklaruar Saleh.

Ai ka akuzuar pasuesit e regjimit të Mubarakut se nxisin dhunën në rrugën Muhamed Mahmud dhe përpara ndërtesës së Qeverisë.

(Breziiri)