Pjesëmarrja e myslimanëve në zgjedhje me jomyslimanët në shtetin joislam

Pjesëmarrja e myslimanëve në zgjedhje me jomyslimanët në shtetin joislam

Pyetja:

A është e lejuar për një mysliman që jeton me vendqëndrim të përhershëm në shtetin joislam për të marrë pjesë në zgjedhjet parlamentare të atij vendi?

Përgjigja:

Falënderimi i takon Allahut xh.sh. salevatet dhe selamet mbi Muhamedn a.s..

Kjo çështje është çështje ixhtihadi  (përpjekjeje),  që përcakton bilancin e dëshiruar në mes të interesit të përgjithshëm të myslimanëve në mënyrë që të përfitojë nga kjo pjesëmarrje në zgjedhje, dhe dëmtimit që mund të shkaktohet nga një pjesëmarrje e tillë. Nëse përfitimet nga këto zgjedhje janë më të mëdha dhe më të shumta, atëherë edhe veprimi është i lejuar, e nëse dëmi është më i madh prej këtyre zgjedhjeve, atëherë edhe veprimi është i ndaluar.  Bazuar në këtë parim dispozita e pjesëmarrjes së myslimanëve në votime parlamentare në vendet joislame ndryshon nga një vend në vendin tjetër, sepse interesat e një vendi nuk janë identike me intersat e një vendi tjetër.

Nga Akademia e Fikhut rreth temës:”Pjesëmarrja e myslimanëve në zgjdhjet parlamentare në shtetin joislam” është lëshuar një vendim, të cilin neve për hirë të realitetit do do ta paraqesim në tërësi.

“Falënderimi i takonë vetëm Zotit të botëve, salevatet dhe selamet mbi të dërguarin tonë Muhamedin s.a.v.s., mbi familjen e tij të pastër dhe shokët e tij, pastaj.

Kuvendi i Akademisë së Fikhut islam (jurisprudencës islame) në seancën e saj të Nëntëmbëdhjetë të mbajtur në selinë e Ligës Islame në Meken e Bekuar, prej 22-27 Sheval 1428 që përputhet me datën prej 03-08 Nëntor 2007 debatoi në temën “Pjesëmarrja e myslimanit në zgjedhjet parlamentare me jomyslimanët në shtetin joislam”. Kjo temë ishte prolonguar për debat nga seanca e gjashtëmbëdhjetë që është mbajtur më 21-26 Sheval 1422 për shkak të kompletimit të hulumtimit në këtë lëmi.

Kjo temë u debatua në seancën e Nëntëmbëdhjetë, ku pas dëgjimit të kërkimeve shkencore dhe kumtesave nga anëtarët e akademisë, dhe pas diskutimit të tyre nga shumë këndvështrime, Kuvendi i Akademisë vendosi si vijon:

1.      Pjesëmarrja e myslimanëve në zgjedhje parlamentare me jomyslimanët në shtetin jomysliman është çështje e politikës juridike që dispozita e saj përcaktohet varësisht nga balanci i interesit në mes së mirës dhe së keqes, kurse fetvaja për këtë çështje jepet varësisht nga vendi në vend, që nënkupton se ndryshon sipas kohës, vendit dhe rrethanave.

2.      Lejohet për një mysliman i cili gëzon të drejtat e qytetarisë në vendin jomysliman që të marrë pjesë në zgjedhjet parlamentare dhe të ngjashme me to, me qëllim që pjesëmarrja e tij do të sjellë përfitime siç është prezantimi i interesave të vërteta islame, mbrojtja e çështjeve që ndërlidhen me interesat e myslimanëve në atë vend, realizimi i të drejtave fetare dhe jetësore, përforcimi i pozitave të myslimanëve në pozitat e ndikimit dhe kapitalit, për të arritur bashkëpunim të bazuar mbi të vërtetën dhe drejtësinë në përputhje me udhëzimet e mëposhtme:

Së pari: Pjesëmarrësi mysliman me pjesëmarrjen e tij të ketë për qëllim dhënien e kontributit të tij për ruajtjen e interesave të myslimanëve dhe për të shmangur të keqen që i dëmton ata;

Së dyti: Të supozohet se pjesëmarrja e myslimanëve në këto zgjedhje do të ketë efekte pozitive, ku do të përfitojnë myslimanët në atë vend, për të përforcuar statusin e tyre dhe të parashtrojnë kërkesat e tyre në organet vendim marrëse nëpër të gjitha instancat e strukturës shtetërore, ku do të ruajnë interesat fetare dhe kombëtare të tyre.

Së treti: Pjesëmarrja në zgjedhje të mos shpije drejt neglizhencës dhe dëmit të Fesë islame.

Allahu qoftë i kënaqur me këtë vendim.

P.S.  Me këtë Fetva mposhtet teoria e të quajturit “Hoxhë” Omer Bajrami i cili akuzon të gjithë të votuarit dhe votuesit myslimanë dhe shqiptarë se janë Qafira (pa fe) sepse, sipas tij, ata që kërkojnë votën e myslimanëve në Maqedoni janë qafirë edhe nëse falen në safin  e parë, e dispozitën e kanë të njëjtë edhe votuesit që i votojnë ata qafira. Pra ky njeri dhe disa si ky, qartë vërehet se flasin në emër të Islamit por punojnë në interesat e qarqeve sllave, për të realizuar dëshirën që sa më pak përfaqësues të ketë në qeveri nga myslimanët dhe shqiptarët)

Nga arabishtja
Jusuf Zimeri

Foto

(Lexo komentet ose shkruaj koment)

•