Jusuf El – Kardavi nxjerr fetva për vrasjen e Gadafit

Kryetari i Unionit të dijetarëve  islam,  Dr. Jusuf El Kardavi, ka dhënë fetvan për vrasjen e tiranit Muamer El-Gadafi, për arsye se ai, për vrasjen e  popullit të tij, përdor aeroplanë bombardues dhe   mercenarë të huaj.

Dr Kardavi në intervistën e tij për Kanalin ‘Eljeezira’ të hënën në mbrëmje ka kërkuar nga udhëheqësit ushtarak, oficerët dhe ushtarët e ushtrisë libiane që të mos dëgjojnë dhe të mos i binden urdhrave të Gadafit për të vrarë popullin e tyre, sepse kjo bindje dhe ky nënshtrim sipas Islamit është Haram (i ndaluar), ngase nuk ka bindje ndaj krijesës në mosbindjen ndaj Krijuesit.

Dr. Kardavi ka thënë: “Tani po nxjerrë fetvanë për vrasjen e Gadafit, atëherë cilido oficer, ushtar apo person tjetër që ka mundësi ta ekzekutojë atë, le ta ekzekutojë për të shpëtuar popullin libian dhe kombin nga e keqja e këtij njeriu që është i çmendur.” Pastaj vazhdoi duke thënë: “Nuk lejohet për asnjë oficer  që t’i bindet urdhrave të Gadafit, ti bindet padrejtësisë dhe shtypjes.”

Vrasja e popullit të tij me  këto mjete, është nga mëkatet e mëdha, andaj i drejtohem oficerëve që gjenden për rreth Gadafit me fjalën e Allahut xh.sh. ku thotë: “Kushdo që vret një besimtar me qëllim, dënimi i tij është Xhehenemi ku do të jetë i përhershëm në të. Hidhërimi dhe mallkimi i Allahut do të jetë mbi te dhe për të do të ketë ndëshkim të madh.”

Apeli i Kardavit ushtrisë libiane

Dr. Kardavi ushtrisë libiane iu drejtua  me këto fjalë: “Ju nuk jeni më pak atdhetar se ushtria e Tunizisë  që refuzoi urdhrat e kryetarit tani më i ikur që t’i vrasin protestuesit e tyre. Ju gjithashtu nuk jeni më pak atdhetar se ushtria e Egjiptit e cila e mbrojti revolucionin dhe nuk pranoi të zbatojë urdhrat e Mubarakut.”

(Eljazeera / Breziiri)